My Books

೧೯೬೦ರ ದಶಕದಲ್ಲಿ ಮಂಗಳೂರಿನಲ್ಲಿ ಪ್ರಾಥಮಿಕ ಶಾಲೆಯ ದಿನಗಳಲ್ಲಿ ನಾನೂ ತಮ್ಮನೂ ಕಾಯುತ್ತಿದ್ದದ್ದು ಬೇಸಿಗೆಯ ರಜಾ ದಿನಗಳಿಗಾಗಿ. ಶಾಲಾ ಪರೀಕ್ಷೆಗಳು ಮುಗಿದ ದಿನ ಸಂಜೆಯೇ ಅಮ್ಮನೊಂದಿಗೆ ನಮ್ಮೂರು ಅಡ್ಡೂರಿಗೆ ಹೊರಡುತ್ತಿದ್ದೆವು. ಬಸ್ಸಿನಲ್ಲಿ ಒಂದೂವರೆ ತಾಸು ಪ್ರಯಾಣಿಸಿ, ಇಳಿಯುತ್ತಿದ್ದದ್ದು ಗುರುಪುರದಲ್ಲಿ. ಅಲ್ಲಿಂದ ಅಡ್ಡೂರಿಗೆ ಮೂರು ಕಿಮೀ ನಡಿಗೆಯ ಹಾದಿ. ಕಾಲುಸಂಕಗಳನ್ನು ಹಾದು, ಗದ್ದೆಗಳ ಹುಣಿಗಳಲ್ಲಿ ಸಾಗಿ, ಅಡ್ಡೂರು ಹತ್ತಿರವಾಗುತ್ತಿದ್ದಂತೆ ಕೈಬೀಸಿ ಕರೆಯುತ್ತಿದ್ದವು ಅಲ್ಲಿನ ಮೂರು ಗುಡ್ಡಗಳು. ಆದರೆ ಆಗಲೇ ಎಂಭತ್ತು ವರುಷ ಹಳೆಯದಾದ "ಅಡ್ಡೂರು ಮನೆ" ತಲಪಿದಾಗ ಕತ್ತಲಾಗಿರುತ್ತಿತ್ತು. ಹಾಗಾಗಿ ಗುಡ್ಡಗಳ ಸುತ್ತಾಟಕ್ಕೆ ಇನ್ನೊಂದು ದಿನ ಕಾಯಬೇಕಾಗುತ್ತಿತ್ತು.

ಮರುದಿನ ಸಂಜೆಯಾಗುತ್ತಿದ್ದಂತೆ ನಮ್ಮ ಗುಡ್ಡ ಸುತ್ತಾಟ ಶುರು. ಹೊರಡುವಾಗ ಅಮ್ಮನ ಎಚ್ಚರಿಕೆ "ಗುಡ್ಡೆಲೆ ಕಣ್ಣಂಡು ಹೋಗ್ಗು, ಬಿದ್ದು ಗಾಯ ಮಾಡಿಣಲೆ". ನಮ್ಮ ಜೊತೆಗೇ ಸವಾರಿ ಹೊರಡುತ್ತಿತ್ತು ಮನೆ ನಾಯಿ "ಕೂರ". ಮನೆಯ ಹಿಂಬದಿಯ ಹಟ್ಟಿ ದಾಟಿ, ಕಾಲುಹಾದಿಯಲ್ಲಿ ಐದು ನಿಮಿಷ ನಡೆದರೆ ಸಿಗುತ್ತಿತ್ತು ಕಲ್ಲುಗುಡ್ಡ. ಗುಡ್ಡದಲ್ಲಿ ಹಲವು ಗೇರು ಮರಗಳು. ಗೇರು ಹಣ್ಣೆಲ್ಲ ಬಾವಲಿಗಳ ಹಾಗೂ ಹಾದಿಹೋಕರ ಪಾಲು. ಕೆಲವೊಮ್ಮೆ ಹಾದಿಯಲ್ಲಿ ಉದ್ದ ಬಾಲದ ಕರಿ ಮುಖದ ಮಂಗಗಳ ದರ್ಶನ. ಹಳ್ಳಿಗರ ಭಾಷೆಯಲ್ಲಿ ಅವು "ಮುಜ್ಜು". ನಮ್ಮನ್ನು ಕಂಡರೆ ಅವಕ್ಕೆ ಹೆದರಿಕೆಯೇ ಇಲ್ಲ. ಮರದಲ್ಲಿ ಕೂತು ನಮ್ಮತ್ತ ಪಿಳಿಪಿಳಿ ನೋಡುವ ಅವನ್ನು ಓಡಿಸುವುದೇ ನಮಗೊಂದು ಆಟ. ಕಲ್ಲೆಸೆದರೆ ಅಥವಾ ಡಬ್ಬ ಬಡಿದು ಸದ್ದು ಮಾಡಿದರೆ ರೆಂಬೆಯಿಂದ ರೆಂಬೆಗೆ ಹಾರಿ ದೂರದ ಮರವೇರುತ್ತಿದ್ದವು.

ಪುಸ್ತಕ: ಕೃಷಿ ವಿಜ್ನಾನ
ಲೇಖಕರು: ಡಾ. ಜಿ.ಕೆ. ವೀರೇಶ್ ಮತ್ತು ಅಡ್ಡೂರು ಕೃಷ್ಣ ರಾವ್
ಪ್ರಕಾಶಕರು: ನವಕರ್ನಾಟಕ ಪ್ರಕಾಶನ, ಬೆಂಗಳೂರು
ಪ್ರಕಟಣೆಯ ವರುಷ: ೨೦೧೭,     ಪುಟ: ೧೨೦,      ಬೆಲೆ: ರೂ.೭೫
ಮಕ್ಕಳಿಗೆ ವಿಜ್ನಾನ ವಿಷಯದ ಕಲಿಕೆ ರೋಚಕವೂ, ಆಸಕ್ತಿದಾಯಕವೂ ಆಗಿರಬೇಕೆಂಬುದು ಎಲ್ಲರ ಆಶಯ. ಇಂದಿನ ವಿಜ್ನಾನ ಶಿಕ್ಷಣ ಮಕ್ಕಳಿಗೆ ನಿಜಕ್ಕೂ ಆ ಅನುಭವವನ್ನು ನೀಡುತ್ತಿದೆಯೇ? ಎಂದು ಕೇಳಿದರೆ, ಇಲ್ಲ ಎನ್ನಬೇಕಾಗುತ್ತದೆ. ಈ ಕೊರತೆಯನ್ನು ನೀಗಿಸಲಿಕ್ಕಾಗಿ, ಬೆಂಗಳೂರಿನ ನವಕರ್ನಾಟಕ ಪ್ರಕಾಶನವು “ವಿಜ್ನಾನ – ಸರಳ ಪರಿಚಯ” ಮಾಲೆಯ ಪ್ರಕಟಣೆಯನ್ನು ಆರಂಭಿಸಿತು. ಐದರಿಂದ ಹತ್ತನೆಯ ತರಗತಿಯ ವರೆಗಿನ ವಿದ್ಯಾರ್ಥಿಗಳಿಗೆ ಮತ್ತು ಕಲಿಸುತ್ತಿರುವ ಶಿಕ್ಷಕರಿಗೆ ಉಪಯುಕ್ತವಾಗಬೇಕು ಎನ್ನುವ ಉದ್ದೇಶದಿಂದ ಈ ಮಾಲೆಯ ಪುಸ್ತಕಗಳನ್ನು ಬರೆಯಲಾಗಿದೆ. ವಿಜ್ನಾನ ಶಿಕ್ಷಣದ ಗುಣಮಟ್ಟವನ್ನು ಮೇಲೆತ್ತಲು ಈ ಪುಸ್ತಕಗಳು ಮೀಟುಗೋಲಾಗಬಲ್ಲವೆಂಬುದು ಪ್ರಕಾಶಕರ ಮತ್ತು ಲೇಖಕರ ಆಶಯ.

“ಕೃಷಿ ವಿಜ್ನಾನ” ಇದೇ ಮಾಲೆಯ ಒಂದು ಪುಸ್ತಕ. ಇದರ ಲೇಖಕರು ಬೆಂಗಳೂರಿನ ಕೃಷಿ ವಿಶ್ವವಿದ್ಯಾಲಯದ ನಿವೃತ್ತ ಉಪಕುಲಪತಿಗಳಾದ ಡಾ. ಜಿ.ಕೆ. ವೀರೇಶ್ ಮತ್ತು ಕೃಷಿಕ, ಕೃಷಿ ಅಂಕಣ ಬರಹಗಾರ, ಕೃಷಿ ಪುಸ್ತಕಗಳ ಲೇಖಕ, ಸಾವಯವ ಕೃಷಿ ಆಂದೋಲನದ ಕಾರ್ಯಕರ್ತ ಹಾಗೂ ನಿವೃತ್ತ ಬ್ಯಾಂಕ್ ಕೃಷಿ ಅಧಿಕಾರಿ ಅಡ್ಡೂರು ಕೃಷ್ಣ ರಾವ್.

ಈ ಪುಸ್ತಕದಲ್ಲಿ ೨೫ ಅಧ್ಯಾಯಗಳಿದ್ದು, ಇವುಗಳಲ್ಲಿ ಪ್ರತಿಯೊಂದರ ಬಗ್ಗೆಯೂ ದೊಡ್ಡದೊಡ್ಡ ಗ್ರಂಥಗಳು ಪ್ರಕಟವಾಗಿವೆ.  ಅಷ್ಟು ವಿಸ್ತಾರವಾದ ಆ ವಿಷಯಗಳನ್ನು ಪುಸ್ತಕದಲ್ಲಿ ಸರಳವಾಗಿ ವಿವರಿಸಲಾಗಿದೆ. ಅಧ್ಯಾಯಗಳ ಪಟ್ಟಿ ಇಲ್ಲಿದೆ:
01.    ಕೃಷಿ ಪ್ರಾರಂಭ
02.    ಕೃಷಿಯ ಕಾಲಘಟ್ಟ
03.    ಕರ್ನಾಟಕದಲ್ಲಿ ಕೃಷಿ
04.    ಮಣ್ಣು ವಿಜ್ನಾನ

ಪುಸ್ತಕ: ಮನಸ್ಸಿನ ಮ್ಯಾಜಿಕ್
(ಪುಸ್ತಕ ಪರಿಚಯ ಭಾಗ ೨)
ಲೇಖಕ: ಅಡ್ಡೂರು ಕೃಷ್ಣ ರಾವ್
ಪ್ರಕಾಶಕರು: ನವಕರ್ನಾಟಕ ಪ್ರಕಾಶನ, ಬೆಂಗಳೂರು        
ಮೊದಲ ಮುದ್ರಣ: ೨೦೧೪,     ಪುಟ: ೧೨೦,      ಬೆಲೆ: ರೂ.೫೫

“ಮನಸ್ಸಿನ ಮ್ಯಾಜಿಕ್” ಮನಸ್ಸು ಮತ್ತು ಅದರ ವಿವಿಧ ಆಯಾಮಗಳ ಬಗ್ಗೆ ಅಡ್ಡೂರು ಕೃಷ್ಣ ರಾಯರ ಮೊದಲ ಪುಸ್ತಕ. ಎರಡೇ ವರುಷಗಳಲ್ಲಿ ಎರಡು ಬಾರಿ ಮರುಮುದ್ರಣವಾದ ಪುಸ್ತಕ.

ಪುಸ್ತಕ: ಮನರಂಜನೆಗಾಗಿ ಬೀಜಗಣಿತ
ಲೇಖಕ: ಯಾಕೊವ್ ಪೆರೆಲ್ಮನ್
ಕನ್ನಡಾನುವಾದ: ಅಡ್ಡೂರು ಕೃಷ್ಣ ರಾವ್
ಪ್ರಕಾಶಕರು: ನವಕರ್ನಾಟಕ ಪ್ರಕಾಶನ, ಬೆಂಗಳೂರು
ಮೊದಲನೇ ಮುದ್ರಣ: ೨೦೧೩,     ಪುಟ:೧೯೬,     ಬೆಲೆ: ರೂ.೧೨೦
“ಗಣಿತ ಎಂದರೆ ಕಷ್ಟ, ಬೀಜಗಣಿತ ಎಂದರೆ ಇನ್ನೂ ಕಷ್ಟ” ಎನ್ನುವವರು ಬಹಳ ಜನರು. ಇಂತಹ ಸನ್ನಿವೇಶದಲ್ಲಿ ಪ್ರಸಿದ್ಧ ರಷ್ಯನ್ ಗಣಿತ ಗಾರುಡಿಗ ಯಾಕೋವ್ ಪೆರೆಲ್ಮನ್ ಅವರ ಈ ಪುಸ್ತಕ, ಬೀಜಗಣಿತದ ಬಗೆಗಿನ ತಪ್ಪು ಕಲ್ಪನೆಗಳನ್ನು ದೂರ ಮಾಡಲು ಸಹಕರಿಸುತ್ತದೆ. ಯಾಕೆಂದರೆ, ಬೀಜಗಣಿತವನ್ನು ಮನರಂಜನೆಯ ಮೂಲಕ ಇದರಲ್ಲಿ ಪ್ರಸ್ತುತ ಪಡಿಸಲಾಗಿದೆ. ಹಾಗಾಗಿ, ವಿದ್ಯಾರ್ಥಿ – ಯುವಜನರನ್ನು ಈ ಪುಸ್ತಕ ಆಕರ್ಷಿಸುವುದಲ್ಲಿ ಸಂದೇಹವಿಲ್ಲ.

ವಿವಿಧ ಡಯೋಫಾಂಟೈನ್ ಸಮೀಕರಣಗಳು, ಲಾಗರಿತಂ ಕೋಷ್ಟಕಗಳು, ಖಗೋಳಶಾಸ್ತ್ರದಲ್ಲಿ ಉಪಯೋಗವಾಗುವ ಬೀಜಗಣಿತದ ಘಾತಗಳು ಮಾತ್ರವಲ್ಲದೆ ದೈನಂದಿನ ವ್ಯವಹಾರದಲ್ಲೂ ಎದುರಾಗುವ ಸಮಸ್ಯೆಗಳನ್ನಿಲ್ಲಿ ಸರಳವಾದ ವಿಧಾನದಲ್ಲಿ ಬಿಡಿಸಿಡಲಾಗಿದೆ. ಸಂಕೀರ್ಣ ಹಾಗೂ ಬೃಹತ್ ಗಾತ್ರದ ಸಮಸ್ಯೆಗಳಿಗೆ ಬೀಜಗಣಿತದಲ್ಲಿ ಉತ್ತರವಿದೆ ಎಂದು ಓದುಗರು ಈ ಪುಸ್ತಕದಿಂದ ಖಂಡಿತವಾಗಿ ತಿಳಿಯಬಹುದು. ಇಲ್ಲಿರುವ ಚಿತ್ರಗಳು ಪುಸ್ತಕಕ್ಕೊಂದು ಮೆರುಗು.

ವಿಶ್ವವಿಖ್ಯಾತ ಗಣಿತ ಪ್ರತಿಭೆ ಶ್ರೀನಿವಾಸ ರಾಮಾನುಜನ್ ಅವರ ೧೨೫ನೇ ಜನ್ಮವರುಷವಾದ ೨೦೧೨ನೇ ಇಸವಿಯನ್ನು ಭಾರತ ಸರಕಾರವು “ರಾಷ್ಟ್ರೀಯ ಗಣಿತ ಸಂವತ್ಸರ” ಎಂದು ಘೋಷಿಸಿತ್ತು. ಅದರ ನೆನಪಿಗಾಗಿ ನವಕರ್ನಾಟಕ ಪ್ರಕಾಶನ ಬಿಡುಗಡೆ ಮಾಡಿದ ಹತ್ತು ಪುಸ್ತಕಗಳಲ್ಲಿ ಇದೊಂದು ಎಂಬುದು ಗಮನಾರ್ಹ.

ಅಡ್ಡೂರು ಕೃಷ್ಣ ರಾವ್ “ಅಲ್-ಜೀಬ್ರಾ ಫಾರ್ ಫನ್” ಹೆಸರಿನ ಪುಸ್ತಕವನ್ನು ಇಂಗ್ಲಿಷಿನಿಂದ ಕನ್ನಡಕ್ಕೆ ಸೊಗಸಾಗಿ ಅನುವಾದಿಸಿದ್ದಾರೆ. ಇದರ ಮೂರು ಸಮಸ್ಯೆಗಳನ್ನು ಈ ಕೆಳಗೆ ನೀಡಲಾಗಿದೆ: