೩೦.ಭಾರತದ ಜಗದ್ವಿಖ್ಯಾತ ಗಿರ್ ಅರಣ್ಯ - ಏಷ್ಯಾ ಸಿಂಹಗಳ ಏಕೈಕ ವಾಸಸ್ಥಾನ
ಭಾರತದ ಗಿರ್ ಅರಣ್ಯ ಜಗದ್ವಿಖ್ಯಾತ ಯಾಕೆಂದರೆ ಅದು ಏಷ್ಯಾದ ಸಿಂಹಗಳ ಏಕೈಕ ಆಶ್ರಯ ತಾಣ. ಈ ಸಿಂಹಗಳು ಅಳಿವಿನ ಅಂಚಿನಲ್ಲಿವೆ ಎಂಬುದು ಆತಂಕದ ಸಂಗತಿ.

ಇವು ಗಾತ್ರದಲ್ಲಿ ಆಫ್ರಿಕಾದ ಸಿಂಹಗಳಿಗಿಂತ ಸಣ್ಣವು. ಇವು ಆಫ್ರಿಕಾದ ಸಿಂಹಗಳಿಗಿಂತ ಸಣ್ಣ ಗುಂಪುಗಳಲ್ಲಿ ವಾಸ ಮಾಡುತ್ತವೆ. ಮುಖ್ಯವಾಗಿ ಜಿಂಕೆ ಮತ್ತು ಕಾಡುಹಂದಿಗಳನ್ನು ಬೇಟೆಯಾಡಿ ತಿನ್ನುತ್ತವೆ.

ಗಿರ್ ಸ್ಯಾಂಕ್ಚುವರಿ, ಗಿರ್ ರಾಷ್ಟ್ರೀಯ ಉದ್ಯಾನ ಮತ್ತು ಪನಿಯಾ ಸ್ಯಾಂಕ್ಚುವರಿ ರಕ್ಷಿತ ಪ್ರದೇಶಗಳೆಂದು ಘೋಷಿಸಲಾಗಿದೆ. ಇವೆಲ್ಲವೂ ಒಟ್ಟಾಗಿ ಏಷ್ಯಾದ ಸಿಂಹಗಳ ವಾಸಪ್ರದೇಶ.

ಗಿರ್ ಅರಣ್ಯಗಳು ಇತರ ಹಲವು ವನ್ಯಜೀವಿಗಳಿಗೂ ಆವಾಸಸ್ಥಾನ. ಸಸ್ತನಿಗಳ ೩೮ ಸ್ಪಿಷೀಸ್, ಹಕ್ಕಿಗಳ ೩೦೦ ಸ್ಪಿಷೀಸ್ ಮತ್ತು ಕೀಟಗಳ ೨,೦೦೦ ಸ್ಪಿಷೀಸ್ ಇಲ್ಲಿ ವಾಸಿಸುತ್ತವೆ. ಜೊತೆಗೆ ಮಾಲ್ಧಾರಿ ಸಮುದಾಯದವರೂ ಗಿರ್ ಅರಣ್ಯದ ಅಂಚಿನಲ್ಲಿ ವಾಸ ಮಾಡುತ್ತಾರೆ.

ಫೋಟೋ ಕೃಪೆ: ವಿಕಿಪಿಡೀಯಾ